Jeddah

An Jeddah (English: /ˈdʒɛdə/ jed-ə), nga ginsusurat gihapon nga Jedda, Jiddah o kundi man Jidda (/ˈdʒɪdə/ jid-ə; Inarabo: جدة‎, ginromanisar: Jidda, Hejazi nga pagluwás: [ˈdʒɪd.da]), usá nga syudad ha Hejaz nga rehiyon han Saudi Arabia ngan sentro hin komersyo han nasod. Mayda iní kamolupyohan hin mga upat ka milyon nga tawo (hadton 2017^[update]

This category is not shown on its member pages unless the appropriate user preference is set.

), an Jeddah amo an gidako-i nga syudad ha lalawigan han Makkah,^[1] an ikaduha nga gidako-i ha Saudi Arabia (sunod han pamunuan nga syudad han Riyadh), ngan an ikanapulo nga gidako-i ha Arabo nga kalibotan.^[2] An Islamiko nga Daungan han Jeddah, nga nahamutang ha Dagat Pula, amo an ikaduha nga gidako-i ngan ikaduha nga gidamo-i hin trabaho ha Arabo nga kalibutan (sunod han Daungan han Jebel Ali ha Dubai).

An Jeddah amo an prinsipal nga pagsulod ngadto ha Mecca, an pinakabaraan nga syudad ha Islam, nga nahamutang hin mga 65 ka kilometro (40 ka milyas) ha sinirangan, samtang an Medina, an ikaduha nga pinakabaraan nga syudad, nahamutang hin mga 360 ka kilometro (220 ka milyas) ha amihan.

Ha ekonomiya, nag-aatupag an Jeddah hin dugang nga pagpadukwag han investment hin kapital ha siyensiya ngan inhenyeriya ha sulod han Saudi Arabia, ngan ha Butnga nga Sinirangan.^[3] Ginranggo an Jeddah nga ika-upat ha Aprica – Butnga nga Sinirangan nga rehiyon ha innovation han 2009 dida han Innovation Cities Index.^[4]

An Jeddah usá han mga nangunguna nga syudad nga resort ha Saudi Arabia ngan ginngaranan iní nga Beta nga syudad han kalibutan han Globalization and World Cities Study Group and Network (GaWC). Tungod han kaharani han syudad ha Dagat Pula, an panagat ngan an pagkaon tikang ha kadagatan nangunguna han kultura hin pangaon hin diri sugad han iba nga mga dapit han nasod. Ha Inarabo, an darahonon han syudad "Jeddah Ghair", nga mahuhubad nga "An Jeddah naiba". Iní nga lema o darahonon masurong gamiton han mga lokal ngan han mga bisita tikang ha langyaw. An syudad ginkita na nga daan nga amo an "pinakabuklad" nga syudad ha Saudi Arabia.

Mga pinambasaran

↑ "population of the administrative region of Makkah" (PDF). General authority of statistics.
↑ "The Saudis may be stretching out the hand of peace to their old foes". The Economist. 7 Septyembre 2017. Ginkuhà 10 Septyembre 2017.
↑ "Archived copy". Ginhipos tikang han orihinal han 2012-07-01. Ginkuhà 2010-07-28.CS1 maint: archived copy as title (link)
↑ "2thinknow Innovation Cities™ Emerging 11 Index 2009 - Middle East, Africa and Former USSR States | 2009". Innovation-cities.com. 2009-11-12. Ginkuhà 2011-04-17.

Usa ka turók ini nga barasahon. Dako it imo maibubulig ha Wikipedia pinaagi han pagparabong hini.

An Wikimedia Commons mayda media nga nahahanungod han: Jeddah

[1] "population of the administrative region of Makkah" (PDF). General authority of statistics.

[2] "The Saudis may be stretching out the hand of peace to their old foes". The Economist. 7 Septyembre 2017. Ginkuhà 10 Septyembre 2017.

[3] "Archived copy". Ginhipos tikang han orihinal han 2012-07-01. Ginkuhà 2010-07-28.CS1 maint: archived copy as title (link)

[4] "2thinknow Innovation Cities™ Emerging 11 Index 2009 - Middle East, Africa and Former USSR States | 2009". Innovation-cities.com. 2009-11-12. Ginkuhà 2011-04-17.

[1]

[2]

[3]

[4]