Nissan

Nissan Motor Co., Ltd.
Tipo	Sociedade Anónima
Fundación	26 de decembro de 1933
Matriz	Grupo PSA
Localización	Nishi-ku, Yokohama, Xapón
Fundador	Masujiro Hashimoto Kenjiro Den Rokuro Aoyama Meitaro Takeuchi Yoshisuke Aikawa
Persoas clave	Carlos Ghosn (Director) Toshiyuki Shiga (Presidente)
Industria	Automóbil
Produtos	Coches, camións, motores, pezas
Número de empregados	155.099 (2011)
Na rede
https://www.nissan-global.com/, https://www.nissan.co.jp/, https://www.nissanusa.com/, https://www.nissan.de/, https://www.nissan.fr/, https://www.nissan.in/, https://www.nissan.com.br/, https://www.nissan.com.mx/ e https://nissan.co.id/
[ editar datos en Wikidata ]

Nissan (en xaponés: 日産自動車株式会社 Nissan Jidosha Kabushiki-gaisha) é unha empresa automobilística xaponesa.

As orixes do nome Datsun son de 1914. Masujiro Hashimoto fundou The Kwaishinsha Motor Car Works en 1911. En 1914 a empresa produce o seu primeiro coche chamado DAT.

O nome do coche foi o acrónimo dos nomes das familias:

• Kenjiro Den (田 健次郎, Den Kenjirō)
• Rokuro Aoyama (青山 禄朗, Aoyama Rokurō)
• Meitaro Takeuchi (竹内 明太郎, Takeuchi Meitarō)

A empresa foi renomeada de Kwaishinsha Motorcar Co., Ltd. en 1918, e posteriormente DAT Motorcar Co. en 1925. Fabricaba camións con motores DAT ademais de coches Datsun para viaxeiros. A gran maioría da súa produción eran camións, debido a un mercado privado case inexistente para vehículos de pasaxeiros. A partir de 1918, os primeiros camións DAT foron para uso militar. A baixa demanda do mercado militar da década de 1920 obrigou a DAT a fusionarse en 1926 co segundo fabricante xaponés de camións: Jitsuyo.

En 1926 DAT Motors con sede en Toquio e asociada coa Jitsuyo Jidosha Co., Ltd de Osaka (実用自动车制造株式会社, Jitsuyō Jidosha Kabushiki-Seizo Gaisha) a.k.a. Jitsuyo Motors (establecido 1919, como filial de Kubota) pasou a converterse en DAT Automobile Manufacturing Co., Ltd. (ダット自動車製造株式会社, Datto Jidosha Kabushiki-Seizo Gaisha) ata 1932. Jitsuyo Jidosha comezou a producir un vehículo de tres rodas cunha cabina cerrada chamado Gorham en 1920, e ao ano seguinte produciuse unha versión de catro rodas. De 1923 a 1925, a empresa produciu vehículos lixeiros e camións baixo o nome de Lila.

En 1931, DAT sacou un novo coche pequeno, o primeiro "Datson", que significa "fillo de DAT". Máis tarde, en 1933 despois de que Nissan tomou o control de DAT, a última sílaba de Datson foi trocada a "sol", porque "son" tamén significa "perda" (损) en xaponés, de aí o nome de "Datsun"(ダットサン, Dattosan).

En 1933, o nome de compa��ía foi xaponizado a Jidosha-Seizo Co., Ltd. (自动车制造株式会社, Jidosha Kabushiki-Seizo Gaisha, Automobile Manufacturing Co., Ltd.) e trasladouse a Yokohama.

En 1928, Yoshisuke Aikawa fundou a sociedade Nippon Sangyo (Industrias Nippon). O nome 'Nissan' orixinouse durante a década de 1930 como unha abreviatura utilizada no mercado de valores de Toquio para Nippon Sangyo. Nissan "Zaibatsu" (combinar) que incluía Tobata Casting e Hitachi. Nissan pasou a controlar empresas de pezas, pero non entrou Aikawa na fabricación de automóbiles ata 1933. Nissan eventualmente medrou para incluír a 74 empresas, e pasou a ser o cuarto maior produtor no Xapón durante a segunda guerra mundial.

En 1941 a produción chega a 20.000 vehículos. A produción detense por causa da Guerra no Pacífico. En 1947 reanúdase a produción de Datsun. En 1951 Nissan adapta a súa experiencia en fabricación de vehículos militares, adquirida durante a segunda guerra mundial ao Patrol 4x4 con seis cilindros e 85 CV. En 1953 empregados e patronal enfróntanse nunha folga de 100 días. En 1958 Nissan entra no mercado mundial do automóbil despois da vitoria dun Datsun 210 na Mobilgas Round Australia Trial. En 1960, dous anos despois das primeiras exportacións aos Estados Unidos, Nissan funda a Nissan Motor Corporation USA (NMC) en California. En 1962 Nissan empeza a exportar vehículos a Europa. En 1966 Nissan fusiónase coa empresa Prince. En 1973 en plena crise do petróleo, o Nissan Sunny sitúase como o automóbil de menor consumo de combustible segundo as probas da Axencia Estadounidense de Protección do Medio Ambiente. En 1980 Nissan adquire unha participación na empresa española Motor Ibérica, S.A. de Barcelona. As exportacións acumuladas superan os 10 millóns de unidades. Fúndase Nissan Motor Manufacturing Corporation USA (NMMC) en Smyrna, Tennessee, Estados Unidos. Os Datsun pasan a venderse coa marca de Nissan. En 1984 fúndase Nissan Motor Manufacturing Ltd. en Sunderland, Reino Unido. En 1992 lánzase o Nissan Micra no mercado europeo (desde a planta de fabricación de Sunderland, Reino Unido). Coche do Ano en Europa en 1993. En 1997 fúndase Nissan European Technical Centre S.A. en Barcelona.

Nissan Motor Ibérica iniciou a súa actividade en Barcelona en 1980 ao mercar unha participación accionarial de Motor Ibérica, S.A. e co tempo pasou a ser propietaria ao 100% da empresa. Ten fábricas en Barcelona, Ávila e Cantabria. En 1983 inicia a fabricación do Nissan Patrol 4x4, primeiro vehículo Nissan fabricado en Europa. En 1991 amplía ao dobre de superficie a fábrica da Zona Franca de Barcelona. En 1992 inicia a fabricación do modelo Serena. En 1993 comeza a fabricación do Nissan Terrano II. No 2000 inicia a produción do Almera Tino, primeiro turismo Nissan fabricado en España. En 2002 iníciase a produción do furgón comercial X83 (Nissan Primastar, Renault Trafic e Opel Vivaro), o primeiro vehículo de produción cruzada en Europa en acordo Renault-Nissan^[1].

Wikimedia Commons ten máis contidos multimedia na categoría:  Nissan

• Páxina web de Nissan Arquivado 23 de marzo de 2021 en Wayback Machine. (en varias linguas)